Gulatinget sitt lovområde frå 900 til 1300

Gulatinget sitt lovområde frå 900 til 1300

Velkommen til Gulatinget!

Gulatinget var det største lagtinget i Norge frå 900 til 1300 A.D. Tinget var lovgjevande, utøvande og dømmande makt, der lovområdet femna heile kysten, samt Hallingdal, Setesdal og Valdres. 

Gulatingslova er den eldste lova i Norden.

I Eivindvik kan du vitje den autentiske tingstaden, der det angliske korset frå 900 talet markerer plassen der Gulatinget først var samla. Her finn du og "Herresalen" der Henrik Wergeland budde då han vitja den legendariske prosten Nils Griis Alstrup Dahl og skreiv diktet "Eivindvik". 

Eivindvik er ellers ein vakker hamn med eigen gjestebrygge. For turågåarar kan staden tilby eit eldorado av godt merka turløyper i fjellet. Om du likar Geocaching har vi i fleire "Ting" postar kring Gulatinget.

På Flolid 4 km aust for Eivindvik finn du Tusenårsstaden som er ein vakker park, lagt på den staden tinget etter kjeldene vart flytta til. Her kan du oppleve Bård Breivik sine monumentale kunstinstallasjoner, der den største av dei er den majestetiske Tingveggen..

Vi tilbyr guida omvisningar i Eivindvik og på Tusenårsstaden for grupper etter avtale heile året.. Frå og med sesongen 2017 kan du følge kulturvandringar både i Eivindvik og på Flolid -  der du brukar mobilen din som guide.

Velkommen til Tings! 

GULATINGET - møtestad for lov og rett